Categori: Draeniad

Prosiect Hufenfa Mawr

Mae Datrys wedi cael ei benodi fel Peirianwyr Sifil a Strwythurol ar gyfer cynllun buddsoddi gwerth miliynau o bunnoedd a gyhoeddwyd gan Hufenfa De Arfon.

Bydd y prosiect yn ehangu cyfleusterau cynhyrchu caws Hufenfa De Arfon ac yn cynnwys troi rhan o’r storfa gaws presennol yn ardal gynhyrchu.

Bydd ardal gofal uchel yn cael ei chreu i gwrdd â safonau diogelwch bwyd llym. Bydd wal tân 10m o uchder hefyd yn cael ei hadeiladu, mae Datrys wedi cynllunio’r rhwystr i leihau’r elfen gwarchod rhag tân ychwanegol i’r strwythur presennol.

Parhau i ddarllen => Prosiect Hufenfa Mawr

Uned Gofal Ychwanegol ym Mhorthmadog

Mae’r Uned Gofal Ychwanegol newydd gwerth £7-£8 miliwn ym Mhorthmadog – a ddyluniwyd gan benseiri Ainsley Gommon o Benarlâg, gyda Datrys fel Peirianwyr Sifil a Strwythurol – wedi’i gyflwyno ar gyfer cymeradwyaeth cynllunio ar ran Grŵp Cynefin.

Gan fod ardal Porthmadog yn adnabyddus am ei chyflwr daear anodd a’r risg o lifogydd, mae Datrys wedi paratoi Asesiad Canlyniadau Llifogydd ar gyfer y safle ac wedi adnabod y lefel y mae’n rhaid i’r adeilad gael ei godi ati.

Parhau i ddarllen => Uned Gofal Ychwanegol ym Mhorthmadog

Datrys yn recriwtio dau beiriannydd newydd

Mae Datrys yn falch i groesawu dau aelod newydd o staff i’n tîm yng Nghaernarfon: George Voulgarelis a Niel Williams.

Mae George yn beiriannydd strwythurol, sy’n arbenigo mewn pethau fel cyfleusterau gofal a phrosiectau preswyl, masnachol a diwydiannol. Peiriannydd sifil yw Niel sy’n arbenigo mewn ymchwiliadau geodechnegol, Asesiadau Canlyniadau Llifogydd, dylunio ffyrdd a draenio.

Bydd dyfodiad yr aelodau newydd o staff hyn yn galluogi i gwmni Datrys gynyddu nifer a maint y prosiectau yr ydym yn ymgymryd â hwy.

 

DATRYS

Caernarfon: 01286 671027

Yr Wyddgrug: 01352 706205

Ebost: info@datrys.coop

rss

Constructionline BSI iso-9001,-14001