Uwch-beiriannydd Strwythurol Gogledd Cymru

Uwch Beiriannydd Strwythurol Siartredig

Lleoliad
Yr Wyddgrug neu Gaernarfon

Cytundeb
Parhaol

Cyflog
Amrediad cyflog o £40,000 – £50,000, yn dibynnu ar brofiad

Oriau gwaith
Amser llawn 37.5 awr yr wythnos

Mae Datrys yn gwmni cyfeillgar, blaengar gyda swyddfeydd yng Nghaernarfon a’r Wyddgrug. Rydym yn chwilio am y person iawn i wneud y mwyaf o’r cyfleoedd am fwy o gyfrifoldeb yn y rôl hon ar gyfer rheoli masnachol, cleientiaid a staff yn ogystal â datblygiad technegol parhaus gan felly wneud cyfraniad gwirioneddol tuag at ddatblygu’r busnes.

Mae gan Datrys achrediadau ISO 9001 a 14001.

Er mwyn cynnal ein llwyth gwaith cynyddol, hoffem benodi Uwch Beiriannydd Strwythurol brwdfrydig chryf ei gymhelliad i weithio naill ai yn ein Swyddfa yng Nghaernarfon neu’r Wyddgrug i gyfrannu at gyflawni targedau twf ein Cynllun Busnes.

Mae hwn yn gyfle gwych i beiriannydd Strwythurol siartredig gyda phrofiad sylweddol (o leiaf 5 mlynedd ôl-raddedig yn gweithio mewn amgylchedd ymgynghoriaeth peirianneg) er mwyn mynd â’u gyrfa i’r cam nesaf. Byddwch yn gyfrifol am gyflawni ein prosiectau, gan gynnwys cynllun a chynlluniau, cyfrifiadau a rheolaeth fanwl ar amrywiaeth o brosiectau peirianneg yn ogystal â datblygu ochr rheoli cleientiaid/masnachol y busnes ac arwain/datblygu staff eraill.

Ynglŷn â Datrys

Busnes annibynnol, sefydledig sy’n tyfu
Arbenigedd ym maes gwasanaethau ymgynghori peirianneg sifil, adeiladu a geodechnegol
Cwmni maint delfrydol i beiriannydd greu gwahaniaeth ynddo
Amrywiaeth o brosiectau i weithio arnynt.

Swydd Ddisgrifiad

Fel Uwch Beiriannydd byddwch yn siartredig i MIStructE neu MICE. Mae’r gallu i gymryd cyfrifoldeb yn gwbl hanfodol a byddwch yn cael cyfle i weithio ar ystod amrywiol o brosiectau a darparu gwasanaeth effeithiol a phroffesiynol i’n cleientiaid. Mae hon yn rôl weithredol lle mae gofyn cymryd cyfrifoldeb dros brosiect o’r dechrau i’r diwedd. Mae yna botensial i ddatblygu agweddau ar reoli cleientiaid, masnachol a marchnata’r busnes.

Bydd eich prif ddyletswyddau’n cynnwys

Rheoli prosiect, yn cynnwys darparu amcangyfrifon, anfonebu a chymryd cyfrifoldeb dros lwyddiant masnachol prosiectau.
Cyfathrebu’n uniongyrchol gyda chleientiaid, datblygu briffiau i gleientiaid a mynychu cyfarfodydd prosiect.
Rheoli cynhyrchu dogfennau technegol gan aelodau eraill o’r tîm
Mentora, datblygu a rheoli staff
Datblygu cynlluniau a chynnig datrysiadau peirianneg ar gyfer prosiectau
Dilysu cyfrifiadau cynllunio a darluniadau sy’n cael eu gwneud gan beirianwyr a thechnegwyr
Cynhyrchu adroddiadau technegol cryno yn unol â disgwyliadau’r cleient.
Ymweld â safleoedd i gynrychioli’r cwmni ac ymgymryd ag archwiliadau a monitro gwaith adeiladu.
Datblygu dyluniadau a manylion peirianneg yn unol â brîff y prosiect
Paratoi cyfrifiadau, adroddiadau ysgrifenedig a manylebau.

Gofynion person

Rydym yn annog ein staff i arddangos brwdfrydedd dros ddylunio, cymhelliant ac ysgogiad, diddordeb a pharodrwydd i ddysgu ac awydd i ddarparu gwasanaeth rhagorol i’n cleientiaid yn effeithiol. Byddwch yn gweithio’n dda fel rhan o dîm gyda sgiliau rhyngbersonol da ac yn rhywun sy’n awyddus i wneud cyfraniad positif i’r amgylchedd gwaith. Fel aelod allweddol o’r tîm, byddwch yn frwd dros arwain/cefnogi aelodau eraill o’r tîm ac yn gallu gwneud hynny, yn ogystal â rhoi gwasanaeth gofal cwsmer rhagorol.

Bydd gennych:

Sgiliau a Phrofiad:

Peiriannydd Strwythurol (bron yn) siartredig
gradd/MEng mewn Peirianneg Sifil neu faes perthnasol
rhagoriaeth mewn dylunio technegol a dealltwriaeth fanwl o’r Eurocodes, Safonau Prydeinig a Rheoliadau Adeiladu perthnasol
gogwydd tuag at TG a phrofiad o ddefnyddio meddalwedd modelu, dadansoddi a chynllunio ac yn ddelfrydol gyda phrofiad o ddefnyddio Revit
o leiaf pum mlynedd o weithio mewn ymgynghoriaeth peirianneg yn y DU
sgiliau cyfathrebu llafar ac ysgrifenedig ardderchog er mwyn gallu trafod gyda chleientiaid, aelodau eraill o’r tîm a chynhyrchu adroddiadau cryno, wedi eu hysgrifennu’n dda
profiad o reoli a mentora tîm o beirianwyr a thechnegwyr gyda diddordeb cryf i ddatblygu’r maes yma.
Mae’n rhaid i chi fod yn preswylio ac yn gallu gweithio yn y DU a bod yn meddu ar drwydded yrru lawn y DU.

Ymddygiadau:

Dull o weithio a gallu cwrdd â dyddiadau cwblhau mewn ffordd drefnus, wedi’i chynllunio
Arddangos agwedd greadigol tuag at ddatrys problemau
Gallu bod yn hyblyg er mwyn cwrdd ag anghenion y busnes a gofynion sy’n newid gan y cleient
Bod yn ymrwymedig wrth gyflawni prosiectau a datblygu’r tîm a’r busnes cyfan
Wedi ymrwymo i weithio ar y cyd ac i gyfrannu’n weithredol at arwain a datblygu aelodau’r tîm.

Yn gyfnewid am hyn, rydym ni’n cynnig:

Cyflog cystadleuol
Gwyliau – gan ddechrau ar 25 diwrnod, ynghyd â Gwyliau Banc.
Cynllun Pensiwn
Llwyth gwaith diddorol ac amrywiol
Tîm cefnogol a chyfeillgar
Prosiectau sy’n heriol yn dechnegol ac a fydd yn herio eich sgiliau
Cyfleoedd sylweddol i ddatblygu a rhoi sgiliau masnachol, marchnata a rheoli ar waith.
Telir ffïoedd aelodaeth proffesiynol gan y Cwmni
Cerdyn parcio
Pecyn Reward Gateway

Mae Datrys yn gyflogwr cyfle cyfartal ac yn croesawu ceisiadau gan bob ymgeisydd addas, yn cynnwys rhai sy’n chwilio am opsiynau gweithio hyblyg.

Sut i Ymgeisio

Oes oes gennych chi ddiddordeb yn y swydd hon, anfonwch eich CV, ynghyd â llythyr eglurhaol yn dweud wrthym ni am eich cefndir, pam mae’r swydd o ddiddordeb i chi a beth fyddwch chi’n ei ddod i Datrys, trwy ebostio info@datrys.coop.